الرئيسية / منوعات / نسرين طافش تحتفل بـValentines Day عن طريقة “الفضفضة” مع جمهورها (صور)

نسرين طافش تحتفل بـValentines Day عن طريقة “الفضفضة” مع جمهورها (صور)

نشرت الفنانة نسرين طافش، مجموعة صور عبر حسابها الشخصي بموقع تبادل الصور والفيديوهات”إنستجرام”. 

وعلقت” طافش” قائلا:” كل سنة كانت هدية عظيمة من الخالق العظيم.. حملت هالسنين تجارب واحداث ومعجزات لو بعملها فلم سينمائي رح تقولو هاد فلم هندي أو مسلسل تركي عربي امريكي مكسيكي.. وخلال هالاحداث والتجارب اختبرت مشاعر جديدة شفت الحياة بمنظور اوسع واعمق.. عرفت حالي اكتر.. مر بحياتي اصناف مختلفة من البشر مرشدين.. محبين.. مزيفين.. انقياء.. منافقين.. صادقين.. حقيقيين.. موهومين.. متذاكين.. سعداء.. تعساء.. واعيين.. جهلة.. عارفين.. متثاقفين.. مدعين.. متنورين.. اصطفيت وغربلت اللي بيبهج روحي وبيعليها وتجاهلت البعض ولغيت تماما البعض الآخر.. بالحقيقة شكرا الهون كلهون كانو معلمين بعتلي ياهون الخالق العظيم لانهم كانو عم يعكسو شي فيني لازم اتعلمو او طورو او آمن فيه.. صرت كل يوم بتطلع على حالي بالمراية وبقول مين هالبنت القمر القوية الطيوبة الحنونة الطفلة المجنونة الواعية اللي ما بيهزما شي تضربي شو بحبك 😂😂😂😜😘😍.. علاقتي مع روحي وذاتي كانت اولوية.. لانو مين اغلى عليك من روحك الي هداك الله ياها روحك يللي ضحكت معك وبكيت معك وتحملتك وقوتك والهمتك قبل ما يضحكوك الناس او يبكوك او يقووك.. ما حدى بيقدر يكسرك الا لو انت خسرت علاقتك مع ذاتك.. والناس والاهل والتجارب وكلللل شي من حولك براك ما هو الا انعكاس ليلي جواتك سواء من مصدر حب أو خوف.. كل سنة وروحي ابدية مشعة متوهجة وصحتي اقوى وجسمي عم يرجع أكثر شباب.. بالمناسبة لياقة جسمي هلا اضعاف لما كان عمري عشرين سنة صدقو الناس اللي بتقول الارقام وهم والعمر وهم انت بتتبناه وبيتحول لقناعة ثم بيتجسد حقيقة بجسمك وروحك سواء نحو الكبر او الشباب.. حبو حالكون اولا.. حب الآخرين بيبدأ من حبك وتقبلك لنفسك.. وثقو تماما الناس الي بتكره وبتهاجم وبتأذي هنن ناس خايفين بيكرهو حالهون وما عرفو يحبو حالهون او يتقبلوها.. ولو قرو هالكلام رح يشوفو بنظارتهون المكسورة طلاسم.. لكن بمدرسة الحياة كل إنسان والو مرحلة تطور خاصة فيه.. ورح نوصل كلنا بالنهاية للنور بطريقة او بأخرى.. تذكرو انو الله هو مصدر كل شيئ.. هو مصدر الحب الحقيقي مش البشر.. حتى الحب يللي بتبعتوه للآخرين او الاخرين بيبعتولكون ياه هو المصدر لهالحب.. اليوم احتفلو اكتر بالحب حسو فيه جواكم وارسلوه لكل الكون وبالاخص للناس اللي بحاجة لهالحب لكلمة حنونة لطبطبة تقويهون وتجبر بخاطرهون.. وعبرو ليلي بتحبوهون ليش بتحبوهون.. عيد ميلاد سعيد الي وعيد حب سعيد للجميع”.

وآخر أعمال نسرين طافش هو مسلسل ختم النمر بطولة أحمد صلاح حسني وميرهان حسين، من تأليف محمد عبدالمعطي وإخراج أحمد سمير فرج، ويعرض حاليا على شاشة. ON E.





المصدر : بوابة الفجر ويخلي موقع مكس توداي مسئولية عن صحة الأخبار وإنما تقع مسؤوليته على النشر الصلي للخبر

شاهد أيضاً

هاني شاكر يصدر بيانًا بوقف التعامل مع مطربي المهرجانات

أصدر الفنان هاني شاكر نقيب الموسيقيين قرارا بمنع التعامل مع مطربي المهرجانات. وجاء نص القرار …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *